قالت وهي تتصل ياحسين مرتاحه$$
واهم شيءٍ نهار السبت كلمني
تدري لماجيت بطلب صرت لحاحه$$
بس أفهم الوضع تكفى لاتحطمني
قلت العفو والعذر لعيون ذباحه$$
لي سلهمت كن بها الخنجر تقّسمني
أنا مسافر جنوب وقاصد الباحه$$
واللي تبي قبل يوم السبت علمني
إن رحت منك فقلبي جاك مفتاحه$$
وإن جيت عندك فحبك دوم راغمني
يا مركب العشق ربانه ومّلاحه$$
في بحر حبٍ يهددني ويفحمني
أظروف ليام عيت تجلب الراحه$$
تبخل وتقسى ولامره تطمني
طبع الليالي مع لحباب شحاحه$$
وانا على موعدك شفقٍ ومتمني
شفق(ن) لضحكة ثمان وهمس مزاحه$$
لبيه ياصوتها لي صار يزهمني
ولبيه ياعطرها لي جات فواحه$$
اسكر على ريحها والريق يدمني
يوم الشفايف كرز والنهد تفاحه$$
إن شفتها ضعت والهرجه تلعثمني
ومن الجدايل سواد الليل ووشاحه$$
إن فلته فوق صدري صار يرزمني
والخد براق ليل(ن) بارقه لاحه$$
في نوةٍ كنها ليل (ن) مداهمني
النفس ياصاحبي للسر بياحه$$
والبعد غصباً علي ارجوك ترحمني
والشاعر أللي سهر يلعب بمسباحه$$
ماله جدى غير ونات تزاحمني
وإن بان نور الصباح وزان مسراحه$$
ماهو بصدفه سهر عين(ن) ملازمني
يارب كان الفراق اهون من جراحه$$
يالله عليه الصبر يارب تلهمني