السلام عليكم ورحمة الله وبركاته
للفرج بعد الشده .......
لافاض همك من على حد الاقـــواس=وبين اربعة جــدران خـــلاك تهرج
ومرارة احساسه محت حلو الاحساس=وادرج ظنون الفكر في سوء مدرج
واحترت منه وصــرت في قــمة اليأس=وكثرت دروبك بس من دون مخـرج
انهض ليامن حارب النوم هوجاس=واوقف على سور المنيبين وادرج
وإرفـــــع يديك لمحصي أعداد الأنفـاس=اللي فطر شمس(ن) توهج وتسرج
اللي أحاط بعلمه أسرار الأجـــــــناس=وله صادق الدعوات تسري وتعرج
وأذكر ذنوبك واعترف خاضـــع الـراس=ببحور زلات (ن) تلاطــــم وتمـــرج
وأطلبه نظرة عطف تغني عن الناس=تغنيك عن موقف من الذل محـــرج
أصدق مع من يـــــــذهب الهم والـــباس=وغمض عيونك ثم فتح وتفــرج
صلوا على خير البرايا لأشرقت من عقـــب لــيــل
ولا ودعت شــمس النـهار وبين اضمــحـــلالها
صلى عليه الله ماتقطع مسافة ميــل .. مــيل
وعد الغصــون الوارفة وعـــداد فيً ظـــــلالــــــــها
.
.
ووورد