انا حضرت وصفقت لي قوافي=والشعر باحساسي ولا هو بمنقول
اترجم اسرارً بقلبي خوافي=واللغز عندي لانكتب قاف محلول
مابمدح الا كل من كان وافي=ولا بذم الا اللذي حيل معلول
افرح بخلي بعد كلمة عوافي=واتجاهل اللي مابيظهر لهم قول
ارسل مراسيل الهوى والتجافي=والحب في شعري موثق ومرسول
الشعر فيني موهبه واحترافي=ميدان والعب فيه عرضً مع طول
يشهد على الابيات قافي ولافي=وايضا شهد خفرع وخوفو وابو الهول
الشعر عندي منهل وماي صافي=وانا شربت الماء وهو كان مزلول
وان كان حرفي ما غدى هرج كافي=ابعتبر شعري سواليف مهبول
لكن ورب البيت لو سرت حافي=لوصل على القمه ولا اسير مجهول