يالغايب اللي هد حيلي بفرقاه
النفس من فرقاك بالصبر ساحات
طال الغياب ولاهب الشوق يغشاه
لي شرهة لو راح عمري ماراحت
عنوانها الموت الحمر مامد يمناه
للروح كان الروح منك أستباحت
قيس الملوح مات بسبأب ليلاه
ودوافعه للموت فالعين لاحت
وغصن الغلا اللي بالمواصل سقيناه
يبست عذوقه والعروق استراحت
خابرك حارس عشقنا اللي بنيناه
مشاعرك لاغبت هامت وصاحت
واليوم بيت الوصل تبكي زواياه
وجدرانه من الشوق يابنت ناحت
وين انت دام الصبرواصل على اقصاه
ودلال شوقي لجل شوفتك فاحت
تري الخيال يسج بك وانت تنساه
سود الليال بشوف طلتك شاحت
والدمعه اللي ردها الجفن فخباه
دمعه رجل لو طاح حظه ماطاحت