يالله أرحم عبدك اللي مرهقتْه ذنوبه=يا كثر صبْرك عليه ويا كثر زلاته
الندم يا ربًنا مفتاح باب التوبه=جاك عبدك يشتكي لك طيشه وغفلاته
يرتكب غلطه وهو يدري إنها مكتوبه=لكنْ الشيطان زيًن له ردى غلطاته
الخطايا سيل خايف يرتفع منسوبه=والندم له صوت خايف تختنق نبراته
يالله أشرح صدر عبدٍ دمعته مسكوبه=وأنت تعرف ضعف قلبه من غزر دمعاته
يا إلهي عبدك اللي فرحته منهوبه=جاك نادم وأنت عندك غوثه ومنجاته
عبدك اللي ضاق صدره وأختنق من ثوبه=ما عرف يجمع قواه ولا يلمً شْتاته
وش يسوي بالحزن والضيق لا مرًو به=يدري انه ما يرد الضيق صوت آهاته
رحمتك يا رب فوق أعمالي المحسوبه=ما لنا غيرك ندور عفوه وجناته
قلبي اللي لا تضايق وأرهقته ذنوبه=جاك نادم وأنت عندك غوثه ومنجاته