مدري تبي حُبّنا (صِدْق و وفـاء وشعـور)=
والا تبـي حُبّنـا ( لـذّة جـسـد عــاري)=
والا مشاهـد دراميّـه عـلـى المحـظـور=
تطعن فـؤادي .. وغيـري ياخـذ إبثـاري=
والا تبينـي ( مهنّـد فـي مسلسـل نـور )=
أكـذب علـى النـاس وأنـا أمثّـل أدواري=
في كـل ليلـه ويـوم آكـل معـك خابـور=
بلسـم جروحـي ( كلامـك )..والله البـاري=
ياخي : أبي منـك تفهمنـي مـن الديكـور=
إنّـك معـذّب قلوب .. وحُبّـك إجـبـاري=
من غير ماأقول وأحكي وأكشـف المستـور=
لمّحـت واجـد كثيـر .. وتاهـت أفكـاري=
يعنـي إذا قلـت : ريقـك بالحـلا مشهـور=
معنـاه : مـن سلسبيلـك تنطفـي نــاري=
يعني أوضّح لك أكثر (حضرتـك دكتـور)=
وأنا المريض الـذي فيـك أكتـب أشعـاري=
فهمت وش مقصدي لـك ياغـزال الحـور ؟=
وش فيك منحاس في بعضك .. وش الطاري ؟=
الحب : خلاّنـي أرجـع لـك وأنـا مقهـور=
والشوق : جوهر علومـي وآخـر أخبـاري=
**