باقي على طبعك .. ولكن تطوّرت=
في شي واحد مايبي له تطوٌّر=
إنّك على حائط ملفّي تسوّرت=
وأرسلت لي مرسول بعد التسوّر=
المَرّه ذي معذور يومك تهوّرت=
وإنْ عدْتها تلقى عقاب التهوّر=
أهمّ شيّ ماطحت والا تعوّرت؟=
ماقلت لي وش حاجتك وش تدوّر؟=
تبغاني أفرح فيك وآقول : نوّرت=
طيّب .. على عيني وراسي منوّر=
تسمح ليَ أتصوّر معك؟ ماتصوّرت=
أصلك من أوّل يوم شفتك مَصوّر=
صدّقني إنّي من دخونك تفوّرت=
علّمتني كيف الوثايق تزوّر=
**