|
كل واحد يقول لنا اول مره يستخدم الكمبيوتر
السلام عليكم ورحمة الله وبركاته تحيــــــــــــــــة
وعليكم السلام ورحمة الله وبركاته
المهم بدون مقدمات نخش دوغري في الموضوع لعب نسواااان
اجزم وبكل حزم ان ما أحد منا خلق وهوه يعرف يتعامل مع الكمبيوتر
الا بعدما تعلم له ولكن كيف تعلم له ؟
هنا السوال ؟
الزبده
باقلكم قصتي يوم اني اول مره امسك الفاره واتعامل مع الكمبريتر غمززززة
منذو ظهور الكمبيوترات في المقاهي وانا متردد ابي ادخل محل انترنت واشوف وش يسوون
عشان اتعلم للكمبيوتر وابحر مع البحارين في عالم النت فائزززززين
بداية المعاناة غمززززة
دخلت يوم محل انتر نت منذو زمن ليس بالقريب ولا البعيد
يعني قبل حوالي 12 سنه تقريبا واسمع الشباب في المحل شغالين على الكي بورد وماتسمعون الا طق طق طق طق طق طق
كل واحد على جهاز :busted_re
انا ماني عارف وش يسوون اوووف
انقهرت من شباب كانوا اصغر مني سنا وشغالين وما اسمع الا طق طق طق طق طق
ياولد حسيت بعقده في حلقي
قلت ليه ما اصير مثلهم واتعلم لهذا الجهاز واطقطق زيهم
وش اللي ناقصني
ابغى اسوي مثلهم طق طق طق طق 
وفعلا وليس امرا قلت لصاحب المحل الفلبيني ابغى جهاز
قال الساعه بخمسطعش ريال اللي اتذكره اوووف
واعطاني جهاز وجلست اتفرج على الجهاز 
جلست تقريبا عشرة دقايق اطالع في الشاشه والماوس والاسلاك
وكاني داخل غرفة عناية مركزه خخخخ
المشكلة اني ماقد مسكت الماوس ( الفاره) ولا اعرف اوجه السهم ههههه
وابي ادخل على العالم هااااااااااااااي
اسال نفسي وش اسوي الحين ؟
ماني عارف وش اسوي
تعقلت مكاني
واللي حولي شغالين طق ططق طق طق طق
ازعجوني خخخخ
قلت ياولد ابتنتهي الساعه وانا جالس اتفرج في الجهاز بدون فائده
فصحت في الفلبيني
قلت تعال يا صديق
قال يس
قلت اقعد جنبي ابغاك في سالفه
عشان لا يسمعوني اللي في المحل هااااااااااااااي
قال ها اسلم وش بغيت يا مخلوق < طبعا هوه يتكلم انقليزي وانا ترجمتها باللهجه
قلت يا رجال انا اول مره ادخل محل انتر نت وابغاك تعلمني وش اسوي هااااااااااااااي
قال عندك ايميل ؟
وانا وقتها كنت اسمع بالايميل وماني غشيم بس الجهاز ما اعرف له
قلت لا
قال اسوي لك ايميل ؟
قلت ايوه
قال ابشر
قلت تكفى
سوا لي ايميل على الهوت ميل
وفتحت الصفحه وقال احفظ الاسم والرقم السري يا الاشدق لا يضيع منك
قلت ازهلها لا توصي حريص بس علمني وش اسوي
قال هذا جهاز عبارة عن كيت وكيت وكيت وعلمني محتويات الشاشه وكيف امسك الماوس
وقال هذا ايميلك اذا بغيت تعطيه احد يراسلك عليه واذا بغيت تفتحه بعدين تروح لكيت وكيت وشرح لي الفلبيني والله ماقصر
فتحت صفحة الايميل حقي وانبسطت لانه جاني رساله جديده يرحبون بي خخخخ
وانتفخ راس وصرت كاني انجزت عمل جبار مهمه
وفعلا كانت مهمه بالنسبه لي غمزة
وبعدها قلت للفبيني شكرا لك
باقي على الوقت وينتهي ربع ساعه
قلت خليني اطق طق مثل الشباب يعنني اعرف الكمبيوتر
وجلست اطق طق
مره اقفل ايميلي ومره افتحه عشان اتعلم عليه وتدربت عليه
ومابهذلني الا الماوس ( الفاره ) بهذلتني اوووف
طفشني السهم مره يروح يمين ومره شمال غصبا اتحكم فيه ويدي ترقل وماسك الماوس
وانت تخيلوا الموقف
وبعدها بكم يوم صرت قوي في مسك الفاره
وصرت ادخل على الانتر نت
واهم شي ادخل على عنواني البريدي الهوت ميل
ابي اشوف احد ارسل لي رسال خخخ
وشوي شوي صرت ابحر في عالم الانتر نت
وصرت اعطي الزملاء عنواني يعنني عندي ايميل
وكنت اذا بغيت اكتب اي عنوان ابداء ب WWW نقطه وبعدها اكتب العنوان من ورقه
معاناة
بعض الاحيان اجلس نصف ساعه اكتب عنوان ولايفتح
الين تعرفت على الجد قوقل الله يوفقه انقذني
وتعلمت كيف ادخل الشات والمنتديات
وتعلمت كيف اكتب على الكي بورد فائزززززين
وها انا الان بعد الخبره الطويله صرت بينكم
فابغاكم تقولون لي قصتكم مع الكمبيوتر منذو البدايه لاتستحون ترا الوضع عادي جدا
والله يسعدكم
انتظركم 
|