جيت لك والشوق في عيني اكبر من طويق=جيت في الوقت المناسب على حسب الوعد
كنت متوقعك تنثر ورودك بالطريق=وبتقول الله يحييك ياوجه السعد
قلت تخمد لوعة الشوق وأسباب الحريق=وبتغيض العاذل اللي ملا قلبه حسد
وبنسير إثنين عشّاق نلعب في فريق=من يلاعبنا حصيله ضياعه والنكد
وبنبهر دلّة العشق ويفوح البريق=نروي القفراء في الوسم هتّان وبرد
وبنصون الخزنه إللي بها ماس وعقيق=للزمان إن شح نلقى مع العالم مدد
لكن الله ماكتب للعطاشا بلع ريق=كم قلوبن ماتوفق وهي تسوى بلد
وكم معرّب جد طاح وتواسى في عميق=وكم ضبع يشبع ويمسي على جوعه اسد
وكم شيوخ وكم زعامات يحكمهم رقيق=وكم خوي لاغاب واقفى خويه مانشد
والسلام اختام ياطيب الاصل العريق=مابقي عندي عبارات تكتب وش بعد