ياوزير التجــــارة يـوم كنـا بخـــيـر
الزيـادة بـحـــــق الله وش جـــابـهـا
زاد ســعرالأرز وزاد ســعر الشـعيـر
دوبهـا للبهايـــم وإلا لاصحــــابـهـا
كل ســلعة رخيــصة زودوهـا كـثيـر
والرقابه تفرج مدري وش صـابهـا
القرارات ماتثنـي ضعيف الضــميـر
والنفوس الضعيفـة حـــدت أنيابهـا
أَصْدِر الأمر بالتخفيض عـــبرالأثيـر
وإلزم التاجر الطماع يرضــــى بهـا
أصبح الوضع متأزم وصـــايرخطير
والضحـــية فقير القــوم يشقـى بهـا
ان تعشى تعشى سندويتش وعصيـر
وان طلــع يوم ثانــي ماتغـدى بهـا
منزله من صفيح وفرشته من حصير
ومصاريف قوته يحســـب احسابهـا
كيف تضحــك له الدنيا وحاله فقيـر
ينظر بعين دمعتــها علـــى أهدابهـا

للشاعر / مشعل بن سعد العمري