شعر الجن؟
السلام عليكم ورحمة الله وبركاته :
مساكم الله بالخــير.
هاذولا شباب طالعين للبر بحدى الشعبان ومبسوطين وماعندهم خلاف
ولا جاء الليل سواليفهم كله عن الجن والشباب مسوين انفسهم مايخافون
المهم جلسوا لهم عشرين يوم حب واحد من اخوياهم انه يهبل فيهم
راح للديره وقال منيب راجع وبعد ثلاث ايام جاهم العصر وهم ماهم فيه
لانه يدري انهم يروحون يتمشون ولا يرجعون الا بعد المغرب
المهم دخل خيمتهم واخذله فحم وكتب على الرواق من داخل ابيات شعريه
على انها من اشعار الجن لا ومخلي الخط كنه خط جن الواو مقلوبه والخط
مايل وبعضها كبار وبعضها صغار وكتب:-
ياللي بالخيمه وراء مــــاتشدون ... حنا تحتكم ويش لزوم الاذيـــــــه
الله يقاصركم وبحسنه تجــوزون.....أمة محمد ماتحب الخطيـــــــــــه
اطنابكم توذي على اللي يـمرون.... سدت مداخيل السلم والنصــــــيه
وجيرانكم فيهم عويد يصلــــــون.... قحيفان وجليعان راعي الغبيــــه
ودريم وثليبان وسليم وعنـــــون....وشيوخ عوصا واثلة الطالعـــــيه
هاذي مجالسنا على خلقة الكون.... الرايغه والســاكني والثـــنيــــــه
جدانكم الا وازنوهن يسمـــــــون ....والاسم من ســــــــــــــنة نبــــيه
الجماعة ماصدقوا تركوا الخيمه ورجليه على بيوتهم بلا كشتات بلا سعة صدر
|