من غير ميعاد جيته شايل احلامي =عيني بعينه تناظر وانشد اخباره
شي رحل من عيونه يسعد ايامي=يسري بقلبي ولحنه يعزف اوتاره
حواسي الخمس راحت بالهوى اهيامي=ما بين نظرات قتاله وجباره
وبينهم سادسه تجري ورى انسامي= تقرا التعابير في وجهه ومحتاره
مابين همس الشفايف يرتوي الظامي=وايتوه بين الهدب مركب وبحاره
والوجه مثل القمر في ليل مدهامي=يبدد اليل وايشتته بانواره
ومن خدوده كتبت الشعر بانغامي=غدت تجيني بيوت الشعر مدراره
من بين الاهداب بحر يسقي الهامي=اهيم بين الهدب واتوه باسراره
لو في سواها كتبت اكسر اقلامي= اياك اعني ترى والحكي للجاره