على صدق المحبه مد لي يمنى الوصال وهـاك=يمين (ن) حالف(ن) بالله ما تخلـف بميثاقـي
بديتك بالغـلا حتـى الهيـام بشوفـة محيـاك=ولقيتك قبل ما اشوفك تسييـر داخـل أعماقـي
وزرعتك في عيوني واعتنيت بغرستك وأسقـاك=وسقيتك عذب ماهاواستبحت الدمـع همراقـي
وجندت الرموش وحاجبي خدمة علـم لحمـاك=وملكتك رسن شوفي وسلطنتي علـى أحداقـي
أحبك والله أني ما صحيـت الا علـى طريـاك=تربع صولجان القلب وانـت السامـي الراقـي
أسير ومغرم بحبـك دخيلـك طالبـك وارجـاك=على كرسيك العاجي تفضـل واعلـن اطلاقـي
تعال ونطوي أيام الشقـا واعلـم اللـي شـاك=بحب (ن) لك علي الله صدقه يشـرق اشراقـي
تعمق في مداهيل الغرام وشوف كيـف أهـواك=تأكد ان ما في القلـب غيـرك وانتـه الباقـي
تسلطن وانت سلطان الغرام وما تبـي يفـداك=تعال أفتح معي صفحة جديـده رتـب أوراقـي
يا عالم غير هالعالم مجرات وفضـا ء وافـلاك=معك في عالمك خذني تعبـت وضاقـت أفاقـي
يا وجه الصبح يسعد لي صباحك ما احلى مبداك=يا غرة شمس يا ليل(ن)ستر وجهك ولا طاقـي
أنا يممت يمك وأرضك أرضي وهايم(ن) باجواك=الا يالله دخيلـك لا تخيـب هـقـوة الهـاقـي
لو انك من قطر والبعد قاسي والدروب أشـواك=ولكن ظمني لـك عالكفالـه وارحـم الشاقـي
على شوفك لهيب الشوق لوعني وأنا أتحـراك=تعال انا ظميتك واسق وامطر جرهـد أشواقـي
أعيشك حلم ولا علم في كبد السمـاء شفنـاك=هزيم الودق وتقاصـف رعـد خلفـه وبراقـي
ولو صعب(ن)علي أنهي حياتي واقف أستنـاك=وياصعب أنتظاري لا انتهـى وتأكـد افراقـي
تعبت أرحل اليك وفيك وين أدناك وي ن أقصاك=تعبت أمشي طريقك ما وصلت وياعنـا ساقـي
زهمتك بالغلا والحب ما رديت يا مـا أقسـاك=وأنا لو باقي أحتال الصبر ما شانـت أخلاقـي
زهمتك ما سمعت الا صدى صوتي هنا واهناك=ليالي العيد بانـت والبطـا عوق(ن)وحراقـي
في أمان الله يا دوحة قطر والسر مـا يخفـاك=قليله يبس عود الوصل ليـه أقفيـت يالساقـي