كلام مرفوض بتاتا وحتى وان كان مزح
فالمرأة المؤدبه الخلوقه اللي يهمها اعلى مراتب الشرف وتخاف الله في نفسها وفي اهلها وفي عرضها وشرفها وكرامتها لا يمكن تمزح بمثل هذا الكلام
لان من خلاله حتى وان كانت مع من تمون عليهن تدري ان بمجرد كلمه عابره تطلقها سوف يبنى عليها قصص وخرافات وخزعبلات وفرصه أيضاً لضعيفات الايمان للتشهير فيما بينهن ويشتغل الوسواس الخناس ويلعب في صدور الناس

اما المسميات اللي يلقبون بها الحبيب من ذكر او انثى فهذا قبل كل شي يبين لك ان الشخص صاحب الجوال انسان تافه وحقير وفي نظري اعتبر وجوده مهمش في الحياه واول مايجي على بالي اقول له مقوله قديمه ومازالت تقال يالله لك الحمد ليتهم رقدوا ذيك الليله
والافضل اذا في من تحب او تغليه او تقدره او تحترمه فخليه في القلب مكنون وفي الصدر محفوظ او ان المسميات علشان تبين للشخص مكانته عندك
اذا ان اسمائنا الحقيقيه لنا ما هي الا علشان نتعارف بها ونميز بعض عن بعض عندما نناديه او نذكره والا فهي لا تقدم ولا توخر في اي شخص
وجهة نظري قبل المنام
والسلام ختام