محاوله خجوله من محاولات اخوكم سهيل اليماني
اتمنى ان ترتقي لذائقتكم




...................

ياعقرب الساعه شرايينك اسمنت
من كثر ما رافقت جدران هالدار

والا لو انك حيّ.. لمواجعي لنت
يوم انحدر سيل التوجّاد مدرار

مدري علامك لا قست حالتي شنت؟
وبخلت تعطيني عن احبابي اخبار

كانك تبيني ارجاك واتوسلك.. فانت
تحري بها.. ياراعي العفو.. والثار

تكفى دخيلك..طالبك قول لاهنت
وش أخرّه عنّي ضيا كل الانوار؟

وش لون يقفي دام يدري بي ادمنت
على العسل والثلج والجمر والنار؟

اغليه واحتاجه وهالحين ايقنت
انيّ ثرا.. ومواصله مثل الامطار

واني أغيب ولا برَق مطلعه بنت
مثل الكواكب لاخذت نور الاقمار

وقولوا له انيّ للذي يبغي اذعنت
لو كان يبغى العمر تفداه الاعمار

وقولوا له انك وسط قلبه توطنت
الين صرت الأهل والدار والجار

وقولوا له انه ماعشق قبلكم بنت
ولاقال في الترفات منضوم الاشعار

وان كان ماهو جاي مالعيش هوّنت
لاني بدونه ميْت لو هو القدم سار


لـ سهيل اليماني