البدع:علي السبيه=
.=
يقول السبيه شاقني بن خولان=
وكم نقتضي من سوقنا البن والهيل=
تجيبه بواخر ورّدت عاالمواني=
وننصب معاميله وندرج دلاله=

الرد:إبن الجنوب=
*=
بغى المفتري يضحك بنا بالنخولان=
وردنا الزّمان الشّين وتغيّر الهيل=
أنا ماتسرّعت ومع العلم واني=
وعندي على قولي ثبوت ودلاله=

البدع:علي السبيه=
.=
ترى ما رقبنا نجم غارب وضىّ فان=
على امر المقدر كم وياكم فنى جيل=
ولو كان نتعب والعرب منسماني=
نجمّل وبعض الناس ماله جماله=

الرد:إبن الجنوب=
*=
يزيد الفرح لو جاء عزايم وضيفان=
نحن في مجالسنا تدور الفناجيل=
نعاف الهزايل ذبحنا من سماني=
وراعي البخاله وش ذبح من جماله=

البدع:علي السبيه=
.=
يخون القدم لو ينثني وانحنا اخوان=
تعطّل ولا يلحق مسير الرجاجيل=
وحنّا نراقب كل نور ازهراني=
ولا نطمع الا للمطر والرجاء له=

الرد:إبن الجنوب=
*=
يخسى أبليس ماهو بيننا وأنحن اخوان=
مع بعض ونقدّر وجوه الرجاجيل=
أنا ينتصب راسي بقول أزهراني=
بيوت الكرم والفايده والرجاله=

البدع:علي السبيه=
.=
لقينا من الدنيا مشقه وعنوان=
وجفّت مواريد الوفا والمراسيل=
ترى كل شي بيّاح والمال فاني=
ولا للثبوت الا الجبل والرّسا له=

الرد:إبن الجنوب=
*=
أنا لي مكانن مايضيّع وعنوان=
يالاصحاب وين اخباركم والمراسيل=
سنه كامله مرسولكم مالفاني=
أضنّه خطف مندوبكم والرساله=

البدع:علي السبيه=
.=
لنار الفتن ياشيخ موقد وشبّان=
ولا تحسبه راح الشقاء وانتهى ويل=
وشهبندر التجار باالمال غاني=
وراع الجمل حوله يوثّق عقاله=

الرد:إبن الجنوب=
*=
أنا عزوتي زهران شيبن وشبّان=
نضدّ الزمن مهما بدا من تهاويل=
ترى من كرهني ياعلي مالغاني=
يعطف مشلحه وإلآ يميّل عقاله=

البدع:علي السبيه=
.=
بنبعد عن الخوّان في كل شي خان=
ولا يستقر جدر المباني مع ميل=
ولا بعد علم اهل الوفا علم ثاني=
ولله وجّهنا الدعاء والشّكا له=

الرد:إبن الجنوب=
*=
في المنطقه عرّاف ونعم وشيخان=
وصفر الدلال الكايفه والمعاميل=
وكلّن حزامه لايقن ع المثاني=
نهار المعاند والشقى والشّكاله=

البدع:علي السبيه=
.=
رجال الكرم والجود واطوال الايمان=
كما ابن الجنوب ودايمن شهم وآصيل=
الى من نصيته عان باالود عاني=
ويقضي اللزوم وجاد من وفر ماله=

الرد:إبن الجنوب=
*=
احلف لك برب العرش واطوال الايمان=
يامن تتّهم قلبي بقطع المواصيل=
أنا عنك ماصدّيت يامن دعاني=
لكن النفوذ ازريت أولّف رماله=

البدع:علي السبيه=
.=
ترى للبحر مرسى وميناء وشيطان=
وشمس الضحى ما تنحجب بالغرابيل=
تهنّيت ذوق الزاد والمودماني=
ويهطل علينا الغيث ما كلّ حاله=

الرد:إبن الجنوب=
*=
من ودّه يفرّقنا منافق وشيطان=
عسى الله يهدّه يشغله بالغرابيل=
متى تنتبه وتفيق يامودماني=
سياستك ماتمضي على كلّ حاله=

البدع:علي السبيه=
.=
لزمّ كف راع النّجده ويتال لزمان=
وغصن الثمر ما ميّل الا بهاليل=
وله يدرج الحبل الذي به لواني=
بنقصد محل الفايده والجها له=

الرد:إبن الجنوب=
*=
عسى الله يحسن عاقبة تال الازمان=
أشوف أكثر العربان سارو بهاليل=
ومجلس كبير وعمدته بهلواني=
يضمّ الغلط والمنقصه والجهاله=

البدع:علي السبيه=
.=
طمعنا لغزر السيل من كل ميدان=
من الناس ما ضنّيت يتجمّل ابخيل=
هل الشعوذه ياشيخ وصّو لجاني=
ترى من يشعوذ جاه جنّي وصا له=

الرد:إبن الجنوب=
*=
ترى في الملز خيلن وفارس وميدان=
إذا كان ودّك بالسبق فاحضر بخيل=
من الدّهم يخشى اللّمس والصولجاني=
مدرّب على المضمار جاله وصاله=

البدع:علي السبيه=
.=
بنجني من المزرع تمورن وميزان=
ويبقى الموضف في دوامه ولا قيل=
ومن لا فرق درب السعد والمعاني=
على قدر مايعمل بيلقى الجزاء له=

الرد:إبن الجنوب=
*=
أنا أرضى بحكمك وإنت عدلن وميزان=
بعيد الكلام الشّين عنّا ولا قيل=
نحاول نرتّب علمنا والمعاني=
يازين العلوم الوافيه والجزاله=

البدع:علي السبيه=
.=
جمال العقيق امست بالاحمال بركان=
ومن كثر ما عانا الجمل عوّد انحيل=
من الحقد ينهش غاربه با انيباني=
برك تحت جور الحمل ماعاد شاله=

الرد:إبن الجنوب=
*=
نحن في خطر ياخوك لو ثار بركان=
ياليت المصادر تعطي إنذار ونحيل=
يذوّب جبالن صم وش بني باني=
بفعل الطبيعه ماحد أقفى وشى له=

البدع:علي السبيه=
.=
مصير الذي خافي بيضهر وبي بان=
وقدّام بيت الله المحرّم زرا فيل=
ننوّع في العلم النضيف انوعاني=
ولا تعمي القاري ولا تلبخا له=

الرد:إبن الجنوب=
*=
لبيت الكرم تلقى مداخل وبيبان=
فتايح ولا صكّت عليها زرافيل=
وبيتن تعمّر لجل ضيفن وعاني=
مصاريعه أحسن من بيوت البخاله=

البدع:علي السبيه=
.=
بعد تهطل الغيمات واتليّن اغصان=
وفىّ الورق والا العقول المضاليل=
ترى الغصن الى هب الهوى له ثواني=
وغصن الورق قلب الهواوي شجى له=

الرد:إبن الجنوب=
*=
الضّيف المبجّل لايكن جاه نغصان=
وإلآ هو من أصحاب العقول المضاليل=
مسيّر علينا ماقعد له ثواني=
ياليته تريّح وانتسم ويش جاء له=

البدع:علي السبيه=
.=
مااضنّه يطيب القلب ويسمّح ان شان=
والامواج تقتلّ البواخر مقاتيل=
ندوّر علوم الطيب والسّمحاني=
يدول الزمان ولا يقرّ ابدواله=

الرد:إبن الجنوب=
*=
يقولون سهم الموت في سمّ حنشان=
وكم ناس راحوا من سببها مقاتيل=
وجسمن قرصه الدّاب والسم حاني=
متى يمدي المسعف يقرّب دواء له=

البدع:علي السبيه=
.=
بعد نرهب اصحاب الحذر كل رهبان=
ويجتاحهم غزر المطر لا ولا انجيل=
عسى تفهم الاعلام يا فيهماني=
نجى من حضي باالحب والود جاء له=

الرد:إبن الجنوب=
*=
أنحن مايغيّر ديننا كل رهبان=
ولا من يحرّف شرع ربي والانجيل=
اللي دينهم ناقص ولا فيه أماني=
ويسعون دايم بالغشش والدّجاله=

البدع:علي السبيه=
.=
في البنك جاء للمال ناقد وحسبان=
نجوم السماء لازم تراهم مع ليل=
لوقت الصلاه لا حان سد الاذاني=
نبي العفو ليت القلب الى ون طاله=

الرد:إبن الجنوب=
*=
يجي للكلام الشّين ناقد وحسبان=
ياليتك تردّ أهل القلوب المعاليل=
والى ماقدرت أسكت وسدّ الاذاني=
لاتسمع هروج المنقصه والنّطاله=