جيت ابغرامي وامتطي صهوةالشوق=مسرج حروفي والمعاني سيوفي
جيتك وانا من نار الاشواق محروق=واحساس قلبي جاك يسبق حروفي
دامك خذيت الروح والقلب مسروق=ما باقي الا جرح بعدك نزوفي
في داخلي حبك له اسنين موثوق=تدري به اشجوني ويحرسه خوفي
يا ما تناجينا با الاشواق في ذوق=همس العيون ابصمت فينا يطوفي
لا غاب طيفك ثانيه جاك بسبوق=مشاعري واشواق قلبٍ لهوفي
لاقلت بنسى حزة النوم واروق=انسى وانا ناسي واداعب طيوفي
واستقبل الذكرى وانا اغيب وافوق=وافز لا سارت طيوفك لفوفي
واليوم قررت اعترف واكسر الطوق=عايش بحبك والبقيه ظيوفي