حلم ضايع اخر انتاجنا والقصيده خيال شاعر واعذرونا على القصور
عرض علي من يد كاس 00وشربته
من العطش خذته وسبقت 00مشكور
تعاجلت به في جرعته 00 ماعرفته
ما ادري أشوف أنوار وألا طفى النور
فجأه تحقق كل حلم حلمته
قصر وبدون جنود والا اختفى السور؟
اهم شي من دون زحمه دخلته
قابلت به قايد محنك ومغمور
رحب وسهل مبتسم 00مامدحته !
هوه كذا يفرح لمن جاه 00بيزور
قلي تفضل وش تبي ؟ وش لحظته ؟
قلت العفو لكن ترى الحال 00مدمور
الأجنبي يملك عمل ما ملكته
وانا على ذيك الشهادات 00مقهور
أمّنت لك خاين على أموال 00فلته
مزور وكاذب ويشهد على زور
وأنا هنا وهناك رحله وكشته
اسأل علي وأسأل محمد ومنصور ؟
وظيفتي صدفه مع من صدفته
والواسطة والمعرفة تلعب الدور
طموحنا يا سيدي كم قتلته ؟
وأحلامنا ماتت مثل غصن منشور
غضب وقال ابشر وعزك وصلته
قرار من بكره ينفذ على الفور
الباب لأمثالك تراني فتحته
وضايف الممتاز من غير طابور
وأحلامكم عهداً علينا وأخذته
والكل بأحلامه يبي يسير 00مسرور
فجأة سمعت أصوات ضحكه وشمته
صحصحت من ناسً تقول اصح يا (ث0000)
عرفت بأن الحلم كاس وشربته
مدري عرفت النور وألا طفى النور
وين الخواجة راح ماعاد شفتـــه ؟
تكفون قولوا له ابي كاس 00مخمور