ماهو غريب الناس يقلـون مجنون
العيب مـــايدرون سبــــة جنانــــي
العقـــل مايثبت مــع نظــرة عيون
والله يسامح من بسهمــه رمانــي
العذر ياربعي وابـى العذر تكفــون
مانــي خفيف العقـــل والا انانـــي
مجبــور اقــول العلم مادام تقسون
واوضح اللـــي فـــي زمانـي بلاني
يحتار كل الوصف في شكل مزيون
مااشوف مثله كن ربـــي عمانـــي
اكتب له ابياتي واغني لــه الحون
والقلـــب يطـرب لـه نشيد وغناني
اجمع له فنوني وبنثر لـــه افنــون
من ود في قلبــي يترجــــم لسانـي
ماصرت باسمع قول مهما يقولون
حبه سكن عقلـــي وزلزل كيــانــي
انا اشتـــري في وقت ناسً يبيعون
واحفظ عهودي وقت غدر الزماني
ماابيع عهدي لوعرض مال قارون
حتى ولو قلبـــي صويب ويعــــاني
ابقى احبه عهـــد صادق ومضمون
حلفت مابسمـــع فــــــلان وفلانـــي
قدنـــي حفظتــه داخل القلب مكنون
اسقيـــه من ودي وصافــي حنانــي
قولوا خبل قولوا مهستر ومجنــون
اهم شــــي تدرون سبـــة جنانــــي