السلام عليكم ورحمة الله وبركاته



آلكل يعرف أهمية وجبة الفطور بالنسبه للجسم ..

وخصوصآ للطلاب والموظفين .. اما الي جالسين بالبيت ماعليهم ضيق متى ماقامو ياكلون شابوره مع كاس شاهي

عشان كذا لآزم نركز عليها أكثر من العشا ..

وبعض الناس مايحبون الفطور لانهم حاطين في بالهم انه خبز مع جبن وكاس شاهي بس

تلقينها تقول اتصبر لين الغداء احسن ..

غلط .. واكبر غلط تفوتين وجبة الفطور ..

لان القلب بعد ماتصحى من النوم يحتاج لدوران الدم بطريقه صحيحه بدون تخثر .. وانت أذا ماافطرت تجلط دمك وقد يسبب لك جلطه لا سمح الله ..




ومن ناحية الرشاقه ..وجبة الفطور تعتبر الوجبه الأساسيه لتحرك عضلات البطن في الهضم .. لانها وجبه بعد الأستيقاظ من النوم .. فالجسم بيتحرك بدون كسل ..


معلومات بسيطه حبيت أطرحها واتمنى تستفيدون منها ..




***




نشوف مع بعض أنواع وجبات للفطور ..



[ أسياخ الحلوم المشويه ]


جبنه حلوم + فلفل بارد ملون

نقطع الجبنه مكعبات + الفلفل وندخلها اصياخ بالدور .. ثم نحطها ع الشوايه بدون زيت .








نقلبها حتى تنشوي جميع الجهات ..





نقدمها مع خبز محمص ومربى ومكدوس وزيتون ..





[ مزرعة بالبيض ]

سبب التسميه ان فيها انواع كثيره من الخضار ..



بيض + بقدونس + بصل + ثوم + طماط + فلفل بارد [ بصل اخضر ] حسب الرغبه


نقطع البصل ونحمسه بالزيت ثم نضيف الثوم المهروس .. ثم الطماط والفلفل البارد بعد التقطيع وباقي الخضار ..




نصبها بصينيه بعد دهنها بالزيت و ندخلها الفرن بعد رشها بالجبن ..

بالقلايه اسرع ونغطيها بغطى قدر ..




بعد ماتتحمر من تحت نقدمها ..





مع رشة بقدونس مفروم وبطاطس وخبز محمص ..




[ قوالب البيض بالتونه ]


علبه تونه صغيره + بيض + فلفل حار + بصل + فلفل بارد + جبن مبشور


نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل.






بكل قالب نحط ملعقتين من التونه ..




نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن .. وشريحه فلفل بارد للنكهه .





بالفرن 10 - 15 دقيقه ..

نقدمها مع الخبز ..