على غير ما عودك حرفي في شعـاره=حظرت ابقصيده حزنها يبكي الاعيـان
وجيتك مودع والهـوى تشتعـل نـاره=وجتك الحروف الي تغنت بها الاحـزان
صحيح القصايد وقفـت فيـك محتـاره=ولااعطتك حقك واختفت هيبة الميـزان
صحيح القصيد ايطيح وايقـل مقـداره=الا من مدح غيرك وسوى بـه القيفـان
قصيدي بكى والحرف يبكي على جاره=وسوت حروف الهمس من حزنهاصيوان
لكن الزمن عدى وجارت بنـا اقـداره=وحان الرحيل الي تعودت بـه شقيـان
انا ما تمنيت اتركـك واهجـر الحـاره=لكنك حكمت ويشهد النـاس والجيـران
رميت المحب الي عشانـك بنـى داره=وصدقت عذالـه وشبيـت بـه نيـران
وانا احلف برب البيت واعداد من زاره=بصدق النوايـا والمقاصيـد والايمـان
وانا اليوم باودعـك والـروح منهـاره=وقلبي من احزانه غدا بالحشا حزنـان
يصافـح ويستاذنـك وايقـدم اعـذاره=نوى بالسفر وابيترك الـدار والاوطـان