قصيده في فقيد غالي


الغياب اللي خذاني حزن وآهات ومواجع
جعل ربي ما يعيدك يالغيـــاب اللي خذاني

بين ضيقات الصدور وبين دمعات الموادع
حاير وكني وحــــيد وما قدرت القى مكاني

آه يا حــــزن القلوب وآه يا كبر الفواجــع
وآه يا هم الوداع اللي يصبه في المحاني

أنت راجع؟حتى لو تكذب علي بس قول راجع
ليه ترحل وأتا تدري في غيابك كيف أعاني

انت لو ترجع دقيقه! ثانيه ! لحظه ! تطالع
كيف صار الكون بعدك والحزن كيف احتواني

ما بقى للحزن في صدري مكان ولا مواضع
ولا بقى في داخلي صبر ومجال لحزن ثاني

والغياب اللي خذاني لو ترك فيني مواجع
بطلب الله لا يعيدك يالغــــياب اللي خذاني