أهواك و الله العظيم أني أهواك=و أهوى التراب اللي تدوسه خطاويك
قبل أعرفك بسنين و آنا آتحراك=في ظل عمري منتظر شمس آياديك
و جيت و أنا ماني امصدق القاك=هلا هلا حبيبي الله يحييك
في صدر مجلس صدري أقلط و حياك=فاحة دلال العشق ودي أقهويك
أن قلت لك قبل الحكي مد يمناك=حل السلام و قبل ما تطلب أعطيك
وأن رد طرفك مستحي لا عدمناك=آبعثر أزهار المحبه حواليك
هنا أحتفالاتي بجيتك ... وهناك=روحي على آنغام الغلا تحتفي فيك
من الشموع أفتح قناديل ظلماك= عن الدموع أقفل جميع الشبابيك
أشربك و أظما و أرجع أشربك و أظماك=و آموت ذابحني العطش لكن أرويك
تصبح على حبي و في القلب ممساك=و افرش لك اعيوني و رمشي يغطيك
سعادتي رهن أبتسامة محياك=خذ من عناقيد الغلا ما يكفيك
ما احتلني و استوطن أعماقي إلاك=وش ما تقول آقول حاضر و لبيك
لو مر يوم بدون ما ادور ارضاك=توقف عقارب ساعتي لين ارآضيك
تدري متى ما جت على البال فرقاك=حتى لو أنك نايم ابحضني ابكيك
يعني تخيل لو تطالبني أنساك=أرهبتي!! لا تمزح الله يهديك
و أن قلتها ثاني و أنا مقدر أنهاك= باقول رح لكن ما نيب ناسيك
ما يعني أني أنحني و اترجاك=لكن لا تتركني الله يخليك