بدع / ابو صالح=
*=
حيا الله الشاعره الـي قاسيـه باتلينـا =
لها قصايد ترددها صفـوف الرجاجيـل =
متخفيه من ورى الشاشات ماشي بانـي =
لكن يا ظهرها قيل وتحت العصى . بات =
لو هو على راسها بشكير والا عمامـه =
*=
الرد / نوف=
*=
حياك ربيه يالي حط هــيبات لـينا=
عداد عـابر سبيلن درجته الرجاجيل=
الـوقت والــهم في مامــر ماشيباني=
من ينجرف خلف بيبان الهوى والعصابات=
أخـواله الي تبروا مـنه والا عــمامه=
*=
بـدع / ابو صالح =
* =
في مجلس الحكم تتـلا حجـة المدعينـا =
ونتايجاً في يدين المدعي مـن تحاليـل =
يا تثبت التهمه والا ينفرج علـم جانـي =
اما تبرهن لنا دعـواك بيميـن واثبـات =
ولا اعترف لا يجي لك سجن والا غرامه =
*=
الرد / نوف=
*=
اشــوف ذيـب الخــلا يـعوي ولي مـد عينا=
اسمعه يعوي وزاد الصوت يوم انتحا ليل=
وصرت اودي واجيب الفكر من علم جاني=
وان كان للـذيب ابـو نـابين مليون وثبات=
لا انا جريحه ولا انا عايشه في غرامـه=
* =
بدع / ابو صالح=
* =
كم لول رينا في الدنيا وكم مـاس رينـا =
وكم غزينا وفدنا من ربوع الخلى خيـل =
هذي علومي وباقي بعدها علـم ثانـي =
طيري على كفي افضل فالهدد م الرميات =
ما حرك الصقر في عمره تلافيت هامه =
*=
الرد / نوف=
* =
لـو طال وقتي معك لين الضحى ماسرينا=
بانظر معك واتخيل فالبحر والخلا اخـــيل=
واخاف طيرك يغره محزمك عـالمثاني=
وطيري الي تظنه خايفن مــالرمـــــيات=
باعلى مكان اعتلى به ما تلا في تهامه=
*=
بدع / ابو صالح=
* =
عصر القناعات كم يخفي لناعلـم شينـا =
من يرتديها يجي منهم علوم(ن) تهاويـل =
ابو يمن لا لبسهاا قال انـا مـن عمانـي =
يرضا لنفسه بنقصان(ن) ويرضا بشرهات =
حتى الغراب ان تقنع نشتبه فـي حمامـه =
*=
الرد / نوف=
* =
بو صالح أنحن بدرب المــخطية مــامـشينا=
وهل الكفر ياوسيع البال في منتهى ويل=
لاتوقض النايمين وحــــالـــهم منعماني=
لاتنقل أقوالنا لاقال بعض البشر هات=
بركان فيزوف نخشى مــن تناثر حمامه=
*=
بدع / ابو صالح=
*=
اشره على من يسدد سلفتي لـه بدينـا =
اعطي له الكاش والقهوه بصفر المعاميل =
واقلطه للشحم واضيفـه مـن سمانـي =
واثره يمثل كما من هم في المسرحيات =
ولو تلثم عميـلي عارفـه مـن كلامـه =
*=
الرد / نوف=
*=
اشره على واحدن من بينكم له بدينا=
بديت له واضحه وابدأ بكرهه مع ميل=
رحب وقدم لنا طير القرى من سماني=
وحط لي بعد ضيفاته في المسرى حيات=
لاتحسب الداب تاكلني وهي منك لامه=
*=
بــــدع / ابـــــو صــالـــح =
* =
والله اني اعرف رماة الحـرب يالمحتجينـا =
واميز الشهد الاصلي في خلايـا المناحيـل =
الاوله اكشـف رمـاة الفـوز والهازمانـي =
واما العسل لو حدث له بالقصى يد . مغشات =
فضحت غشه لمن جاب الدراهـم وسامـه =
* =
الــــرد/ ابـــــو صــالـــح =
* =
ابطيت وانحن بعين الشـوق نلمـح تجينـا =
لكن شكلك تقل ماعـاد فـي علمنـا حيـل =
والا الحكايه في الاذهـان والهـا زمانـي =
وانا غشيما(ن) بمنهو بالخفا يدمـغ الشـات =
والي درى هم مكياج او درى هـم وسامـه =