جفا الكلام..الكلام وضاعت شفاهي
يامورق الهمس صوتك لايناجيني
أنا عصيت الغرام الآمر الناهي
واثخنت قلب الهوى جرح بسكيني
لهيت معك الزمن ليت الزمن لاهي
ومرت سنينٍ عليّ ماكنها سنيني
انا احسب إني وحيد وكثروا اشباهي
وانا احسب إنك لقلبي واثرك لعيني
ياجاذب الدلو مياح الأمل راهي
ليته يشوف الحبل مقطوع بإيديني
يامن يجازي الظما لو ماتت شياهي
ويشق صدر السحابه لين تسقيني
ليت الكلام الكلام وصوتي الواهي
يحيي هشيم السوالف بينك وبيني