صباح/ مساء الخير بالورد والجوري
والمسك والعنبر
اليوم جبتلكم نوع من الحلويات
كلنة نعرفة
وهي العوامات او لقمة القاضي
ومكوناتة هي



كاسة طحين
3 ملاعق نشا
ملعقة اكل كبيرة خمرة فورية
رشة ملح
فنجان مبروش جوز الهند للزينة (حسب الرغبة)
ملعقة كوب سكر
وللشيرة
كاستين سكر + كاسة مي+ هيل + شوية ليمون دوزي او عصير ليمون
طبعا اكو البعض يخلون للشيرة فانيلا او زعفران
طبعا حسب الرغبة اني اخلي هيل لان اطيب






هسة نجي نخلط جميع المواد الجافة
كاسة الطحين+3 ملاعق نشا+رشة ملح+ملعة الكوب مال السكر + الخمرة
ونضيف شوية مي ونعجنة ونضيف مي الي ان تصير بهل الشكل
لا حفيفة ولا ثخينة











بعد ما عجناة نتركة تقريبا نص ساعة حتى تختمر ونغطية بكيس نايلون






وهذا راح يكون شكلة بعد ما اختمرت





هسة نجي نسوي الشيرة
كاستين سكر + كاسة مي وحدة +شوية هيل وليمون دوزي
ونخلي على النار الى ان يعقد







وراح اتصير بهل الشكل





وهسة نقوم بعملية قلي العوامات
نجيب قدر ونخلي بية كمية من الزيت
بحيث اتغطي العوامات
ونخلي الزيت يحمي بدرجة عالية





ونبدي ناخذ بالملعقة من خليط العوامات
ونسقطة بالزيت





ونقلبة ان ان يصير لونة اشقر






وبعدين انطلعة وانصفية من الزيت




ونسقية بالشيرة
وهذا راح يكون شكلة النهائي






اتمنة ان تعجبكم
اون شاء اللة ما اكون طولت عليكم
تحياتي