الغالي صالح الكردشي بيض الله وجهك بياض الشاش هروجك يامحلاها والله انها احلى من العسل المصفى مع خبزة مقناة بعد ماتجي من الوادي وانت تعباااااااان وريقك ناشفن وبطنك تقرقر .. وان كان شي طاسة سمن وطاسة حقينة فما يرزا .. واهم شي يكون براد شاهي ربيع يكون قدامك فوره مزعزعن واضرب في الخبزة وادع على من ظلمك ..
ولا تنسى اللمة لاتاكل لحالك فما يطعم الانسان بالاكل الا واهله حواليه يتخفسون معه ويتراوون كلا وش سوى ذاك اليوم ..
يازينها من جلسة ياصالح وحواليك سفانك وعيالك واهلك جميعا يكون الاكل له طعم ولذة مابعدها لذة ..
كلامك ذكرني بالديرة وهروج الديرة اللي ماكماها في الدنيا ..
وفي الختام انا فدى صندحتك لا تتركنا من تالعلوم اللي تشرح الخاطر .. ترانا في حراك منتظرين سوالفك وعلومك اللي مالنا عنها غناه .
|