يا كريمه ليه قلبك صار قاسي وافترى
ويش حدك يا كريمه على ظلم العشير
من طعون العام جرحه ياكريمه ما برى
وقفي دخيل عينيك حالته حال الخطير
كل جرح من طعونك باع فيه واشترى
كن طعناتك عذاب وجمر موقد من سعير
كل ما اقبل علي الليل قلبي سرى
وقام ينهت بالونين ويرف كنه جنح طير
الا وادم هاجعة وعيني مخاويها الكرى
والسبايب طعونك. جعل فالك فال خير
غافلة عن عذابي كن قلبك ما درى
تطعنين وتجرحين وتدورين جرح غير
كن قلبي لك أنتي والزمان ألا قشرا
مضرب للرماح وللبنادق صار زير
هو طرا لك دواية ولا بعده ما طرى
الحقيني ياكريمه قبل ما لاقي المصير
والله أن رضيت بكل شيء مقدرا
ما حسبت احساب للنكران من قلب الخشير
مار حسبي على الله هو يشوف ويرى
عالم بالخوافي صغير وكبير
فكري ياكريمه ويش جاكي وش جرى
لاتكوني مثل قشه اكسرت ظهر البعير
منقول