السلام عليكم مشاء الله ليش بعض الناس يستخسرون يقولونها اذا شافو شي وعجبهم ليش الحقد والحسد ليه قلوبهم سوده ليه ما ينورون قلوبهم بذكر الله لدرجة ان بعض الناس يستغلون قوتهم بالعين ومستغربين هذا الشي لا في ناس كذا ولا تستهين في نفسك وتقول عيوني بارده ولا احسد الرسول صلى الله عليه وسلم قال وبمعناه { كلنا عيانون الا من ذكر الله } والمفروض اننا نذكر الله قبل ما نتكلم بكلمه ونظهر اعجابنا وبقلكم قصه : واحد راكب سياره حلوه وجاك الحسود وعجبه الموتر يخيرك يقول وين تبيها بالموتر او بالكفرات طبعآ صاحب الموتر بيختار الكفرات على الاقل ارخص شي ومقدور عليها وماهي الا لحظات الا شي غريب عجيب الكفر انفجر وهي واقفه محلها والله خفنا من الشخص ذا ونسحبنا خوف على نفوسنا منه شوف القهر ولا يخيرك يعني يقدر يتحكم بلعين ويقدر يصوبها على اي مكان هو يعجبه وفي قصص واجده عن الشي ذا واليوم انا بجيب لكم الاثبات بصور السياره هذا الي بنشوفها لشخص معاي في العمل وهوالي عطاني الصور لسيارته وسمحلي اني اظهر سيارته بالمنتدى الله يجزاه الف خير و الله يعوضه كل خير - - - - - زي منتم شايفين سياره حلوه وشبابيه غير انه مهتم فيها بس العين اه يالقهر من الحاسدين الحقودين يقول بلبدايه كانت تطلع خربات كل فتره وفتره لدرجه انه كرها وصمم انه يبيعها والعجيب كل ماراح للمعارض علشان يبيعها قبل مايوصل للمعرض تخرب السياره ولا يقدر يحركها .و يسحبها للورشه ويقل المهندس السياره مافيها شي وتشتغل ولا كان فيها اي خلل يروح المعارض وتخرب ويسحبها يقول تكرر معه الحركه هذا اكثر من ثلاث مرات وامس قابلت صاحبي واسئله عن اخباره ورد وهو يحمد الله و يضحك وطبعآ من القهر يظحك قال برسلك شي وشوفه والله يوم شفت سيارته انفجعت ولا حول ولا قوة الا بالله شوفو الصور وحكموا - - - - - - - - - - - - السياره احترقت فجاه شوفو قوه العين كيف حولت السياره والله مصيبه وكلمتين بسيطه كانت بتوفر على الشخص ذا خساير واجده (مشاء الله) ياخي والله اعلم حكم اهل العين القصاص وانه لا يدخل الجنه ونشاء الله بتاكد من الحكم بالدنيا وحكمه وعذابه بالاخره وانا اسف جدآ على الاطاله تحياتي