تسلم ملك الليل على قصيدتك الرائعة وصح لسانك وعلا شانك ، وأحب أضيف على موضوعك بقصيدة أيضا تحكي الواقع ( ولا تقول لي منقول لكن ما دريت إلا وهي عندي كيف جتني ما أدري ) :

ماني متابع للسياسة والاخبار *** ولا همني أوباما ولا فوز ماكين
ولا همني وش قال حسني وبشار * وما همني لو زادوا الهند والصين
وما همني لو سوق الاموال منهار * وما همني لو كان خسرت ملايين
ما همني إلا راتبي ذا الشهر طار * كله صرفته يوم خمسة وعشرين
بعثرت مدخولي على يمين ويسار *** وقعدت وعيالي نصفق بكفين
1300 على طول فـ إيـــجــار *** و 400 مصروف جوال في زين
و 1150 في شركة إعمــار *** قرض أخذته و اشفطوه الشياطين
و 1100 تجديد وأتعاب سمسار * عندي استماره مطوفة حول عامين
و400 فاتورة الماء والانوار *** حتى ولو كنا للانوار مطفين
وأما 800 بسوي بها الكار *** سيارة جربا ثلاث وثمانين
لا شمت الراتب يجيها كما الزار ** تنفض مكينتها كما نفض بوكلين
وام العيال تصيح يا زوجي البار*هذا الشهر عندي في القصر عرسين
احتاج انا فستان من عشرة امتار *** وافصله يا فالح الراي بالفين
وآخر مية بتروح في جيب كومار * الحارس الهندي عسى فاله الشين
ويقول ما تكفيه للفلفل الحار *** زعلان يبغى فوقها زود خمسين
وزادت معاناتي مع زود الاسعار *** أصبح مثل ما قيل طاق بطاقين
أزمة مسويها مداهن وتجار * وراحوا ضحيتها الضعوف المساكين
منحاش من نار وطبيت في نار * ويا ويل حظ اللي وقع بين نارين
وان الجمل صابر على الضيم صباروان طاح تكثر في جنوبه سكاكين
أبديت ما في الصدر من هم واسرار ** با قولها وآخلي الخافي يبين
يا شيوخنا لا لا تغضون الابصار *صارالمواطن يشكي العسر والدين
وانتم بها ادرى يا طويلين الاعمار بالله عليكم شوفوا الوضع بالعين .