يناس بسكر على حرف القصيد = وباتلعثم واخبّط في الحروف
لكنّ يحسب على الوزن الفريد = ومايختلف يوم صافقت الكفوف
الحرف حبكه وعندي مايزيد = والنقص مارقعه ضرب الدفوف
لاجيت بمدح فنا مبغى رصيد = ولاجيت بشكي فا لله الرؤوف
ولاجيت بكتب وفي قصدي ابيد= بقيت لي من صفا عين الهنوف
وكحلتها راس قرطاس العقيد = والقى قصيده كذا رغم الظروف
تخافني مثل ما يوم الوعيد = تجي وهي حاسبه يوم الخسوف
هذا قصيدي على سكرات جيد = له ثقل لا شاطرت بعض الكتوف
بعض القصايد كما بخاخ ريد = وبعض القصايد تفوح بعطر لوف
وبعض القصايد اذا جت من بليد =سعيد صالح يقل ياذا الكسوف
واللي يعشي قراطيسه صديد= يطعم رغيفه وينطقها رغوف
وان كان شانت وكالة بالبيد = كثر التشاليح تبني له رفوف
وانا تعوذت من ذاك البعيد=وقام شعري على راسي يطوف
قلت اسكر من القصيد وصار عيد = وتو استوت يوم ذكيت الخروف