أسمحوا لي واقبلوا المعذار ياحفاد النبـي داوود
ماهو عبدالواحد اللي يعتدي والا يعذرب ربعـه
وآنا ماعرف منكم الا كل خير اخوان واصدقـاء
فأنها زلة لسان وهفوة كبـرى مهـي مقصـوده
وآنا شاعر واعذب الشعر اكذبه مانا نبي معصوم
وآنـا والله الـذي مايحلفـون الحالفيـن الا بـه
أللي ارفع سبع وأرخي سبع وأنشأها من العـدم
أني افرح وافتخر وأرخي الجناح لكل رجل ونعم
منكـرا ماخلفتـه الجاهليـه مــن ترسـبـات
وانتم سطرتم شهادات النجاح وحظكم في العالي
مانتم في حاجه شهاده من فلان ولا ولـد عـلان
والصناعه موهبه ومثار فخر ومصدر اعتـزاز
كيف نهزاء من اليمين المنتجه والله خلقهـا بيـده
واليمين النجسه اللـي مالهـا صنعـه ولاعمـل
واوربا ماشالها مالجهل وادخلها لعصر النهضـه
الا يوم اخذت شعارات الصناعـه منهجـا لهـا
والجبيل وينبع وسابك وبترومين صارت شاهـد
ان دولتنا صناعيـه وهـل يـارب مـن مزيـد
والله اني ما أكتلفت العذر من خوفا ولا من رهبه
واللي صرح بالجفا ماقام فـي عينـي ولاقعـد
ماعتذرت الا يقين اني غلطـت وجيتكـم متنـدم
وابشروا برضا لحاكم لوسقيت الارض من دمي