ياشينها لا صبّحك وجهً قبيح=ينحس نهارك من بداية ساعته
ويازينها لا صبّحك وجهً مليح=يفتح لك ابواب الرضا من فاقته
وجه الرضا والود والوجه السميح=تحضنه بهدابك وعينك شاقته
وجه الندى والحسن من خده يسيح=تميّزه روعة بهاه ووسامته
يريّح المحزون ويداوي الجريح=ويرد للقلب المعذّب راحته
والشين مثل الذنب ماجاله مديح=الا نقول لا يرحم ام(ن) جابته
بعض الوجيه اقبح من الذنب الفضيح=اخاف عيني تنعمي لو شافته
قبيح مثل الرخص ميزانه يطيح=الوم روحي لو يكن ما لامته
والزين مايرخص وميزانه رجيح=والغالي اعرف قيمته من خامته
والورد الاخظر مايعود عود شيح=في منضره يذهل منه رسّامته
والراحه ترهى في فواد المستريح=والغبن يبقى للقلوب الشامته
وبكل حاله مايصح الا الصحيح=رغم اختلاف الناطقه والصامته