أسأل عليك _________ أسأل عليك وينك ....... يا كامل زينك وكم يا ترى خطوه ...... ما بيني وبينك متى الزمن يسمح ...... وبشوفتك أفرح ياللي قضى عمري ..... على رموش عيونك بعيون كل الناس ....... لفيت ودورتك حالي طواه الياس ..... وللحين ما شفتك يا حبي المجهول ...... لوين صبري يطول كل وافي دينه ........ وأنت ما وفيت دينك يا صورة راسمها ....... في خاطري وبالي احساسي ترجمها ........ إنك حبيب غالي وين ومتى القاك ......... ياللي بعيد اهناك يا سيدي قولي ........ اي صوب عناوينك ++++++++++++++++++++++++++++++++++++ خلك معي _______ خلك معي دايم وأنا اكون مبسوط لا تغيب عني يوم ويضيق صدري قلبي وهبلك الحب مصفوط والا على غيرك من الناس بدري مدري وش اللي بالهوى شاطني شوط والا ترى قلبي من الحب حذري طبعي هواوي لكن اليوم مضبوط صار الوفا في دمي اليوم يجري حبك غزاني دون تحذير واشروط وأثر على واقع سلوكي وفكري صوتك وهمسك والحلا فيك مفروط ولا صرت انا مجنون حبك بعذري ++++++++++++++++++++++++++++ عذاب العاشقينا ________ اريد يا عذاب العاشقينا تروح بحفظ مولاك وتجينا ولكن لا تطول في غيابك كفاك الله شر الحاسدينا أنا لا شفت زولك قمت أهلي من الفرحة وأصفق باليدينا الى منك ضحكت ارتاح بالي وأنا كتمت من همك بكينا ترى لك مسرحاً بالحب عامر به أهل العشق دايم حافلينا ولا يجهلك ظن أني ما حبك أحبك وأنت سيد العارفينا حبيبي لا تخاطبني بغيظك تبسم والفرح خله يجينا وترى ما للوليف إلا وليفه تزين أيامنا ولا تشينا ++++++++++++++++++++++++++++++++++++ أبشر ______ أبشر من عيوني الثنتين مثلك تلبا مطالبه القلب ما يسكنه شخصين واحد ويكفيه تعذيبه عذبتني بالهو يا زين وتعذيب الأحباب راضي به تلعب بقلبي هبوب البين يبيع حبك وييريبه الله واكبر حورها العين يسرق عيوني ولا أدري به عليك يا باهي الخدين الهم يقبل ويقضي به مجروح أنا بالحشا جرحين والثالث انت تسابيبه أهواك يا ناعس الطرفين وغرك من الناس ما ليبه +++++++++++++++++++++++++ يا حبيبي ______ يا حبيبي ترى حبك بقلبي أشيله في فؤادي ودونه قافل كل باب الله هنا يعين يعني مولع طال ليله يسهر الليل من كثر العناء والعذاب من سبايب خليل ما يداوي خليله يجرحه بالتغلي والغلا والغياب عاشق ومغرم ولهان ضيع دليله لين قلبه من البعد والهجران ذاب يا حبيبي دخليك شوف لي من وسيله طال صبري علامك ما ترد الجواب منك يا زين روحي من الفرقا عليله والله يرجع ليالي حبنا والعتاب ++++++++++++++++++++++++++++++++++++++++++++++ لكم من كل محبة من (قلب) وأجمل باقة من(ورده) القصائد هي لكل من : * أسأل عليك : يوسف ناصر * خلك معي : بدر المليحي * عذاب العاشقينا : الشاعر عزام * أبشر : صالح الشهري * يا حبيبي : أسير الشوق