|
مكـــرونـــة بالخضـــار يم يم يم "" ^_^""
السلام عليكم ورحمة الله وبركاته
يسعد صباحكم " مسائكم
بالخــــــــــــير
ما لي خلق حق المقدمات راح ادش بالموضوع دوغري زي ماشفتو بعنوان الموضوع اليوم يايب لكم طريقة مكرونه صحيه وسريعه ولذيذه
نبدأ بالمقادير:
خضار مقطعه مكعبات صغيره (بطاطس+جزر+ بروكلي+ بصل+ فلفل بارد) ممكن تضيفين الي تبينه وتكنسلين الي ما تبينه
هنا ما اضفت الكوسا لاني ما احبها وهذا شكل الخضار بعد ما قطعته
زيت+ معجون طماطم+ نص مكعب ماجي+ بهارات مشكلة(كاري - فلفل اسود-فلفل حار- ملح
الطريقه:
اول شي نضيف الزيت بالقدر مع البصل ونص قطعة ماجي ونخليه دقيقتين تقريبا لحد ما يتغير لونه
بعدين نضيف بقية الخضار على البصل ونقلب مدة خمس دقايق تقريبا
بعدين نضيف للخضار معجون الطماطم تقريبا نص العلبه يكفي ونضيف البهارات والملح ونقلب الخضار تقريبا 7 دقايق
بعدين نضيف المويه للخضار ونخليها لين تغلي
اخر شي نضيف المكرونه للخضار والمويه وممكن اي شكل من المكرونه تختارينه انا كان عندي متوفر هالنوع واضفته للخضار
والحيــــــــــن يينا لصورة المكرونه بعد ما استوت
ملاحظه:المقادير والكميه الي بالصور كانت لشخصين فقط
|