هذه القصيدة من القصائد القديمة واحببت
انقلها لكم هنا ونعدكم بالجديد
مع تمنياتي لكم بطيب المشاهده
واجر قلبي جر دلو المحــــاحيل = ورّد ببير الــحب حتـى تملـــــى
مليت من كتــب الورق والمراسيل = وصويحبي كنه علينا تغلى
بيجي لك ايام وليالي مقابيــل = واللــــــــــي تغلى يمكن انه يخلي
هجرتني من بعد كثر المواصيل = ويش الذي حدك لقلـــــبي تبلى
اريد تفسير القضية وتحليـــل = والامنيات انك بقلــــــــــبي تسلى
نسيت يوم اساهر النجم والليل = لامن سمعت انك مريض(ن) معلى
نسيت يوم اجر عذب المواويل = من خوف لا تزهق ويمكن تملى
نسيت يوم ازرع غصون(ن) مضاليل = أحجب عيون الناس وفيّ(ن) وضلى
واليوم وش ينفع كبود(ن) معاليل = هجرتها وحطيت في القلب غلى
لكنني باصبر على الحمل واشيل =لانك حكمت القلب حكم(ن) تولى
إن جيت انا لك في السماء نجمك سهيل =وان رحــت باسلك من القلب سلى
أخوكم عبدالله الحلي