البدع
انت شاعر ماتتيهك المعاني والجمل
والقصايد بعضها باهداف واكثرها هدير
وانا اشوفك منهمك وش سالفة ذالهمكان
قمت تعسف نيتك وترد الاول للاخير
ياعلي ماتدري ان النار تاليها الرماد
وانت لك يومين في هذا الحكم تشوي وتحنذ
والمثل في درب واحد تحصره وتقيده
الرد
من حصيلي طول عمري ماشريت الا جمل
تايهٍ بين العوادي مامعة غير الهدير
كم بحثنا في المزاين مالقينا له مكان
ابلقيه الخلا والله يعوضني بخير
جملٍ جربان وعيونه مبهذلها الرماد
وان بغيت اذبحه ماله عندنا ميفى ومحنذ
بتركه في ذمة اللي يعقله ويقيده
|