في حياة الاخرين اشياء ماهي في حياتي=وفي حياتي شئ ماهو في حياة الاخرين
في حياتي كل يوم اموت وابعث من مماتي=كل يوم اتالي الونات واجر الونين
في حياتي لا اختلاف ولا فوارق عن وفاتي=كانت الايام جُثّه اتلفّها اكفان السنين
الهواجس غربلتني والاماني من سماتي=لا انقطع حبل الرجا مايرحم القلب الحنين
وش عسى من عالم النسيان تجلب ذكرياتي=ماعزف لحن الزمان الا على الوتر الحزين
سرت في دوّامة ايام الهروب المتعباتي=هاربه من كل لحظه يغتنمها المهتنين
وعقرب الساعه وقف مابين صبحي وامسياتي=حال واحد ماتغير مر حينً بعد حين
سرمدي الليل الاسود لي لباس ولي عباتي=وداخل تابوت النهار كل الدقايق جاثمين
طاحت اقدامي المسيره وانكسر في ايدي عصاتي=والمسافات الطويله مابلغها العاجزين
قامت الدنيا تجازيني وتسرف في جزاتي=جيتها كلي عشم وارهت لي الوقت المشين