هذه بعض من قصايدي انا والوالد حبيت انقلها هنا عسى ان تنال رضاكم ..



البدع /

ياطالب الحق لا تاهب لنا فالحق ادناس

ماني بمثل الذي ياخذ له الحاق دينا

ولايتيم ٌ قعد متحيرٌ ما يرا_ عون

مايجرع الماء ولا زادٌ ولا يرح مونه


الرد / من الوالد

القافله ماتوقف سيرها من حقد ناس

والحقد والله ماقد ريح الحاقدينا

يكبرون الحمل فوق الجمل مايراعون

كلٌ بسكينته لو طاح مايرحمونه


البدع /

الحضر يتناقلون الهرج والبدو خراس

والحضر فيهم خيانه مافي البدو خينا

رمي البلاجيك ماهو مثل رميات سكتون

وطلقة النيمسي ماهي كما الساكتونه


الرد / من الوالد


بعض العرب لاتهرج هرجته تدوخ الراس

ياليت عندي بصر وآسكت المدوخينا

أهل الهماجات من طق الحنك مايسكتون

مايسمعون اكبر العراف ويسكتونه


البدع /


مايجتمع بين خلق الله مسالم وجساس

لابد ماينحني ظهري بعدم أكتفينا

واهل المناشر تبصر شغلهم ذا يقطعون

يشوق العين عود السدر ذا يقطعونه



الرد / من الوالد


الزير ماله عميلٌ واضحٌ غير جساس

أعداه مهما ذبح منهم يقل ماكتفينا

واللي يعارضه في ثاره غدا ذايق اطعون

وسيف ابو زيد كم من قلب ذايق طعونه