الاخوه الاعزاء

اسعد الله جميع اوقاتكم بالخير والمسرات

كثيرا مايعاني الموظفين من اوضاعهم الوظيفيه خلال فترة عملهم وتختلف الاراء ووجهات النظر بين الرئيس والمرؤوس .. ومن خلال ذلك تم بدع قصيده من شاعرنا القدير جبل عيسان تعبر عن وجهة نظر الموظف وشرفني بالرد عليها .. راجيا ان تنال رضاكم واستحسانكم ... لكم التقدير والاحترام من اخوكم البرق اللامع ...

*
البدع:جبل عيسان
*
بالله ياراعي المجهود ريح ضميرك وانتسم
كل ماتبذله من جهد ماعدل الوضع الوظيفي

المراتب لراع الواسطه بــيـن يوم وبين لليل
اصعب ماعنده التوقيع فوق الورق يامن كتب

عنده الكاتب المظلوم يكتب نجاحه باسم غيره
يملك الخبره اللي ماتميز بها عشرين عــــــام

كم يعاني من الاحباط والقهر باعواماً طويله
راتـــــبه مايســــــد ه والنزاهه مخليته فقير

الامــــرين قـــــــــدامه ويختار منها مابداله
اما عيشة هوان وفقر ولا يضحي بالضمير

وانحن في ذمة اولاة امــــرنا والبطانه دونها
لامتى لامتى جرح المشاعر وتحــطيم المبادي

ياعسى صوتنا ياصل لمن يرفعون المظلــــمه
*
الرد:البرق اللامع
*
ياجبل قل لـــذاك العود باين ضــميرك وانتســم
لو نعدل ولو نســقيه ماينفــع الوضــــع الوظيفي

مثل من ضاع عمره وانتهى بين عين وبيـــن ليل
والمعـــارف تجـــي يامـن رشــيدا لنا يامــن كتب

من وقف في طريق الخير مايوقف الا باسم غيره
لاتنشد عن اللي في البحر عام من عشرين عـام

الطريق المداوي يابن عمي ترى ماينطـــوي له
والظهر ماســتقام الا بحكمـــه وعظما من فقــير

من تجاهل بشـــور ومن تعـــذر لعاقل مابـــداله
ومن يضحي بعود الراك ولا يضحي بالضمـير

شد حملك على ظـــهر الجمل والبطانــه دونها
ياعلي يابـــن معطش لابدى مـــوقفا بالعلم بادي

وكل الله خالـــــق صــبح بعــد الليالي المظلمه

تحياتي..