البدع / ا بن مصلح
يقل محمد قلوب اهل المحبه شفافيق
وان كان كذبتني فنشد وشف يانعيسان
من يخطي الدرب ياجون الحكومه بثاره
ماعد بي الا النشاما والرجال القرانيس
كد القلوب الذي ما تقبل المزح كدها
الرد / البيضاني
في خاطري مامثيلك فارضنا ياشفا فيق
الا فراع المسيكه دون شفيان عيسان
والا كما فارعة ميسان والا بثاره
جبال واما انت عنها زايد(ن) ياقرا نيس
ظهرت مزحك وحصلتوك من مزحك ادها
البدع/ محمد بن مصلح
عبدالله اربكم عن صاحبي ختم الماس
والله اني انشد عنه قد لي زمان(ن) ورى ازمان
ماقصدي الا اصله وازاوره وصط داره
بيني وبينه مسافات(ن) طويله واراضي
ماعاد نبصر نشور المال واروى عيونه
الرد/ البيضاني
اقول يابو كفوف(ن) لايمت ختم الماس
من نضرته صار في قلبي حنين(ن) ورزمان
الله يامصرعه في وردته واصطداره
قفى وقفيت ما فينا قنوع(ن) وراضي
هني من شاهده لحضات واروى عيونه
البدع/ محمد بن مصلح
عبدالله وصل كلامي للحبيب وقله
وقله ماعاد نبغي هرجت(ن) من ورى الشاش
ولا ندور كلام(ن) من هواتف وتلفون
اما نجي لا محل الزين والا يجينا
لجل ان حبه في الخاطر سواكن سواكن
والا اعذروني على مافات وامسامحينا
الرد /البيضاني
يقول عبدالله مبغي المال كثره وقله
ولا بينفعني اتحزم بميزر ورشاش
ماودنا الا يكن نلفي عليكم وتلفون
لو كان ماغير ناجي لرضكم لايجينا
ومال نجد اعرفه ماهب سواكن سواكن
ماكنه الا نصوب الصيف لانسام حينا
البدع /محمد بن مصلح
اشوف وادي الضما قد جاه بعد الوزا عل
وكل مزرع بجود الله مالي بغيره
لا تنثر الحب بين الزرع ويبين الاحباب
متى بعد تنتج البترول ياخبت عدنا
تلين من بعد هبد السيل ياخبت لينا
الرد/ البيضاني
لي صاحب(ن) وشمعه عني مقفي وزاعل
وهو من اول يقل للناس مالي بغيره
الله حسبي على اللي فرقوا بين الاحباب
ياليتنا قبل مانعرفك ياخ ابتعدنا
ولا يكنا على جبراك ياخ ابتلينا
البدع من ابن مصلح
ابن مصلح قال ذاك الشر جانا العام واليمن
لاتقول حالي مريض ولاتقول اني منه سوداني
وانا لي عمٌ ولي خالٌ ولي جدٌ ولي بيه
قلت يادكتور تصرف لابن مصلح من دواء المرضاني
مادريت ان البلاء قد حل في قلبي وراسيه
أحسبك صداق يادكتوربين الناس وأثرك رادي
ماتعالج علة وسط الكبد صدأ محلها
الرد / البيضاني
عام الاول يوم جتنا فتنة اهل الشام واليمن
والله انا ماجفينا لا يماني ولا سوداني
وان موقفنا يجملنا مع الاردن وليبيه
واحتلال ارض الكويت وطردهم بين الدول مرضاني
لين جاء للطاغية قوات مدعومة ورأسيه
طردوه من الكويت ثم عود يذبح الاكرادي
أمس نثرت الفتن واليوم ياصدام حلها
البدع / ابن مصلح
لقيت في خط خشم العان زين التواصيف
وقلت بالله ياسيد الحبايب من ايات
ان كنت من نجد فانا اموت في نجد واهله
وان كنت من ارض الحجاز الله يرد لراضيك
صغير السن في ايده طفل وام راضعلّه
واذاشرب موية الصحة تعب يجرع الما
الرد / البيضاني
يقول عبد الله عن المحبوب ماودي اصيف
ولا حسبت المتاعب كلها والمنيات
يازين قلبي مريض وعندكم نجد واهله
عز الله انك رميت القلب بامراض عله
قديم عريضة على إسكان الحرص واجر علما
البدع : عبد الله البيضاني
*
يانيمسي جالها وقعٍ وتجريم صايب
محدود نيشانها للبعد وإلا لهجري
اثر النواديس ملوين عليها بلاوي
لاتقصدين التلوم ابتنتدب وابتعدنا
روحي على قُلة النايف والابراج روحي
الرد : بن مصلح
قال ابن مصلح على الانسان تجري مصايب
ومن يساعدك ياقلب المعنا له اجرا
الله ياما صبرت ومر بي من بلاوي
ياليتنا عنك ياذاك العلاج ابتعدنا
بعض الدوا ماشفى قلبي ولا ابرا جروحي
البدع : عبد الله البيضاني
*
الله من حيةٍ تلوي على سمها لي
وتاتضيمر وهي فيها الخطر وشي سما
لوت على ناس مايدرون وش ناتق السم
قل للذي يخرعه بيت الحنش والحنش مات
انا مسكت الحنش بيدي وعلمت نابه
الرد : بن مصلح
عبد الله قل لي وشنهي حاجتك سمها لي
وايش الجواب الذي في خاطرك وش يسمى
انا تراني معذّْر فيه وش ناتقسم ؟؟
ماعاد يمديني اتلي زفرتي والحن اشمات
بغيت تابا على سدك وعلمتنا به
البدع : عبد الله البيضاني
يقول عبد الله وشب أهل القنص مارموا (شي )
لايحسبون الميازر قصّْرت والقنص باح
لكن للصيد مداتٍ علي هتف اقنا
له رامياً يحرز الاهداف ويعيِّد بعيد
مره من القايدات ومرةٍ من صخاله
الرد : بن مصلح
بالله فيي على نور البصر يارموشي
حتى نشوف الزواهر لابدت والقاً اصباح
ولا نضيع مواعيدٍ عليها اتفقنا
مشوا عليها الذي قدامنا قرب وابعيد
والقلب مايكره الطيِّب وهو ما انصخى له
البدع : عبد الله البيضاني
يقول عبد الله باخذ بندقي واقتنص به
اثار للصيد حزاتٍ تجيبه وساعات
ايام فيها يطيب الحظ وايام نحسن
شفت الظبا من على الفايق نوايم تحنا
ماترتعي إلا ثمار راويه من روا عود
تمون لاعلها الناوي وعالطل تموني
الرد : بن مصلح
يامحسن الهيل حين اشاهده وقت نصبه
ماشاقني إلا انت وإلا ف (ارض) ربي وساعات
والناس سدك ودونك واتعيا من احسن
والله مالي بغيرك لو نوى يمتحنا
باجيك وآطوُّل المشوار وامر واعود
وانا بغيت اصدف الطيب وعطلتموني
|