لاتعتذر منـي علـى كـل ماصـار
ماللعـذر بينـي وبينـك طريـقـه
مافيـه داعـي ياحبيبـي للأعـذار
مـازال مانقـوى المفـارق دقيقـه
أرواحنا متشابكـه مثـل الأشجـار
وصدورنـا مثـل البحـور العميقـه
وأفكارنا تسمى على بعض الأفكـار
نزعـل ولاننسـى العهـود الوثيقـه
مانقبل الغيبه ولا كشـف الأسـرار
كـل المشاعـر بالقلـوب الرقيقـه
مشوارنا في سكة الصـدق مشـوار
ونعزف على أوتار الصراحه موسيقه
ولاهمنـا كـاذب وخايـن وغـدار
كـلٍ علـى كيفـه يشجـع فريقـه
ياما أختلفنا مع بعض عـدت أمـرار
وياما علـى موقـف نولـع حريقـه
وإذا أبتعدنا عن بعض عشره أمتـار
نشوفها بعـد الحسـاء عـن غميقـه