يازين يازين لاتهجر علي وارحم=ارحم حياتي ترى شوقك معنيها
اخاف قلبي من الهجران يتحطم=والروح تمرض ويتعذر مداويها
انا المولع وانا العاشق وانا المغرم=وانا الذي سكتك دايم يباريها
حبك جرى في عروقي واختلط باالدم=غديت نبض الحياه وكل مافيها
القلب حبَك وقلب الحب مايندم=حتى لو الروح نار الشوق تكويها
باالوصل قلبي ترى ياصاحبي ينعم=والهجر حتى عيون الشوق يعميها
لاترمي القلب باالهجران وسط الهم=والروح باالهجر ياسيدي تجازيها
اشفق علينا ولاتقسا عسى تسلم=هجران الاحباب مانقوى نجاريها
وانا لغيرك ترى ياصاحبي مااهتم=ياقوت روحي وسيدها وواليها

انغام تعزف على قلبي وتتقسم=حبك قصيده وانا اشواقي معانيها