السلام عليكم ورحمة الله وبركاته
أول مشاركه وأهداء لأخر قصيده كتبتها وابي الرد لاهنتوا
بصراحه القصيده موجهه لرجل عزيز ولافيكم قصور
وابي مجارتها

جتني بيوت الشعر ترزم عطافي
وسقت القلم بألسطر حتى عطفها
أنقى نواردرها على قد قافي
واشرف عليها لين أبين شرفها
ياسعد يالي بالمواجيب وافي
يامن براعيم المراجل قطفها
ياذخر عود ن ماذخر للمصافي
يعطي العطيه ما يدور خلفها
ياسعد أشوف أن الزمن بأختلافي
عاداتنا حسبي على من حرفها
صاير شباب الوقت فيه انتكافي
يقلد العذراء بلبست غدفها
يمكيج الخدين والشعر ضافي
حد الوروك وخطوته ماعرفها
يكحل عيونه ويعض الشفافي
ومضيق ن ثوبه وقام يعطفها
شكله نوير لاكن الاسم شافي
ونفسه على وادي المعيبه جرفها

وسلامتكم