جبار المعاوي


يازين لزم الصمت في بعض الاوقات
*** في حينها لو كان يشرى شريته

من شان مايلحق على النفس لو مات
*** واقول وسط النفس ليته وليته

ياللي تقول ان كل مافات قد مات
*** يبقى الفشق من فردك اللي رميته

في الناس مقرود وفي الناس شمّات
*** وان ما وطاك العيب ولا وطيته

إما لحق قولي براهـين وإثبـــــات
*** وإلا كلام يجمّل إليا حكيتــــه

يكّيفني في الرجال ثقله والإنصات
*** لكن ليا منك بغيته لقيتــــــــــــــــه

بعض العرب له في المناقيد سجات
*** وبعض السوالف تهدم اللي بنيته

ناس تموت وصيتها حي ما مات
*** من طيب فعله يرتفع طيب صيته

باصون نفسي عن غزير المتاهات
*** شيهان في روس الطويلات بيته



يخلق من الشبه اربعين طيب ياشعارنا ردو عليه