يوم رحت البحر ضايقني السماك به
وانا مديت الشبك عل ياجينا نصيب
وآهل الاسماك ماصادوا الا من شبكنا
كن ماشي غيرها يوم يصطادونها
الرد
مبغي اشارك فالاسم الدي سموك به
لك نصيب(ن) ياطويل العمر والنا نصيب
مايخلصنا من الموقف الا من شبكنا
من بيسطا سد الاهداف يسطا دونها
------------------------------------
البدع محمد بن مصلح
يقل محمد قلوب اهل المحبه شفافيق
وان كان كذبتني فنشد وشف يانعيسان
من يخطي الدرب ياجون الحكومه بثاره
ماعد بي الا النشاما والرجال القرانيس
كد القلوب الذي ما تقبل المزح كدها
الرد البيضاني
في خاطري مامثيلك فارضنا ياشفا فيق
الا فراع المسيكه دون شفيان عيسان
والا كما فارعة ميسان والا بثاره
جبال واما انت عنها زايد(ن) ياقرا نيس
ظهرت مزحك وحصلتوك من مزحك ادها
-------------------------------------
البدع محمد بن مصلح
عبدالله اربكم عن صاحبي ختم الماس
والله اني انشد عنه قد لي زمان(ن) ورى ازمان
ماقصدي الا اصله وازاوره وصط داره
بيني وبينه مسافات(ن) طويله واراضي
ماعاد نبصر نشور المال واروى عيونه
الرد البيضاني
اقول يابو كفوف(ن) لايمت ختم الماس
من نضرته صار في قلبي حنين(ن) ورزمان
الله يامصرعه في وردته واصطداره
قفى وقفيت ما فينا قنوع(ن) وراضي
هني من شاهده لحضات واروى عيونه
--------------------------------------
البدع محمد بن مصلح
عبدالله وصل كلامي للحبيب وقله
وقله ماعاد نبغي هرجت(ن) من ورى الشاش
ولا ندور كلام(ن) من هواتف وتلفون
اما نجي لا محل الزين والا يجينا
لجل ان حبه في الخاطر سواكن سواكن
والا اعذروني على مافات وامسامحينا
الرد البيضاني
يقول عبدالله مبغي المال كثره وقله
ولا بينفعني اتحزم بميزر ورشاش
ماودنا الا يكن نلفي عليكم وتلفون
لو كان ماغير ناجي لرضكم لايجينا
ومال نجد اعرفه ماهب سواكن سواكن
ماكنه الا نصوب الصيف لانسام حينا
|