مكعبات الفاكهة بالشيكولاتة.. وصفة سهلة ولذيذة
 

http://www.boswtol.com/sites/default...2/6o0mnd23.jpg

ممكن تقدّمي آيس كريم بالفانيليا مع مكعبات الشيكولاتة



النهارده هنقدّم لك وصفة مبتكرة وسهلة جدا لتحضير مكعبات الفاكهة بالشيكولاتة، ممكن تعمليها لأطفالك..

مكعبات الفاكهة بالشيكولاتة
المقادير:
فاكهة مقطعة مكعبات (فراولة، بلح، موز،كيوي، تفاح)
¼ كيلو شيكولاتة خام
قوالب ثلج

الطريقة:
1- حطّي الشيكولاتة الخام في طاسة، وحطي الطاسة في صينية مليانة ميه سخنة، وسيبيها على نار هادية مع التقليب لحد ما الشيكولاتة تسيح تماما.

2- اخلطي الفاكهة المقطّعة مع الشيكولاتة السايحة، ووزّعي الخليط في قوالب الثلج، وسيبيه يبرد لمدة 10 دقايق، وبعد كده حطّي القوالب في الفريزر وسيبيها من 4 : 5 ساعات، ولما تتجمّد طلّعي مكعبات الفاكهة بالشيكولاتة من القوالب، وحطّيها في طبق التقديم وقدّميها.. وبالهنا والشفا.

خلصت وصفتنا النهارده..
استنونا مع وصفات جديدة كل يوم..
سلام،،،

وصفة حلوة ورائعة
الله يعطيكم العافية يابنات نعنشوا لنا المنتديات النسائية

اهلين بيكم
وعيونا راح نبلش لكم احلي واشهي الوصفات