أكاديمـيـة  العرضـة الجنوبيــة - ربـاع

أكاديمـيـة العرضـة الجنوبيــة - ربـاع (https://www.ruba3.com/vb/index.php)
-   منتدى الشعر الفصيح ( المنقول ) (https://www.ruba3.com/vb/forumdisplay.php?f=394)
-   -   عــــشـــــق بـــــدويــــــه (https://www.ruba3.com/vb/showthread.php?t=84362)

بنت الرياض 25/07/2012 03:26 AM

عــــشـــــق بـــــدويــــــه
 
عــــشـــــق بـــــدويــــــه

http://up.graaam.com/forums/635736/01308671253.jpg

http://www.sheekh-3arb.info/islam/Li...ikbk055viw.gif


لولا البكا ما ينشرح خاطر ولاينزاح ويل
خل الكدر يطفي سعير الليلــتين اللي خلت

.
دام العيون اليا اهملت تشفي القليل من الغليل
الله يبارك بالعيون اللي ليا ضقت اهملت

.
دمعة قهر تثبت لي ان اللي يحبوني قلـــيل
ولاضحكه بوجيه ناس لي تضايقت انكــلت

.
البارحه يوم الهموم تحط بالصدر وتشيل
والشاهد الله ماحبــست بمحجري دمع وفلت
.
الدمعه اللي ماتهز صدور ربعــــي لاتسيل!!
اكنــها مثل الجمر ولايقولون انزلت
.
اللي وهو ما فزلي وده محملني جميل
اجيه برجولي عشان اشكي له الحال ؟ اكملت

.
ماكل من شافك قوي يفــرح ليا جيته ذليل
الناس ليا من حست بضعف الشجاع استنذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتـــلت
.
وشلون احس ان العذاب اللي على متني ثقـــيل
وانا ادري ان اللي تصبرني على الحزن وصلت
.
معشوقتي وإن ضف صدري من ليالي الحزن ليل
ياكـــثر ماشربت معي من علقم الحزن وكلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
.
اللي على كثر المصايب كل مافيها جميل
الناس لي كبرت تشين وذيك لي كبرت حلت
.
لامن تثــنت للهبوب تمــيّل اللي مايميل
وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لـ قالت القول : افعلت
.
الترفه اللي تنطح الفريّــس وتفك الدخيل
ما الرجال اللي تحملني مثل ماستحملت

.
لو كل خلق الله ملو ماتمل وماتميل
لان الرجال بهالزمن قلو هذيك استرجلت

.
يوم ان وقفتهم معي من باب مايخدم بخيل !!
هذيك ما وقفت جنبي .. هذيك هي تبهذلت
.
خانوا وهي ماخونت عالو وعيت لاتعيل
تبدلتت كل الوجوه وذيك ما تبدلت
.
لانه ليا عز الرجا ما للخليل الا الخليل
مااذكر قرت في محجري قصة عن الحزن وسلت

.
كن الذي يجري معي يجري مع الطرف الكحيل
اليا رضيت ترضى عشاني وان تزعلت زعلت

.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها عرفت اني قوي حتى وانا مافي حيل
واعدها بمية خوي كان الهموم استفحلت

.
دام الشدايد تكشف بصاحبك معدنه الاصيل
ليت السنين اللي حدتني لـ الضياع استعجلت
.
الشده اللي تثبت ان اللي يحبوني قليل
ولا ضحكه بوجيه ناس لي تضايقت انكلت

.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت










الساعة الآن 09:25 AM

Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع

a.d - i.s.s.w