وِشَّـ? هقوتك باللي سرى تالي الليل
 

وش هقوتك باللي سرى تالي الليل
مـتـنـحـرٍ درب الـمـهــالـك لحـالــه

يـوم انهـا كـثـرة عـليه الـغـرابـيــل
والصدر ضاق وخـبـث الوقـت بالـه

وضاقـت به الدنيا ولاعـاد به حـيـل
وزاد الحـزن والـقـلب زاد اعـتـلالـه

حمل فـراشه والعـزب والـمـعـامـيـل
واركى عـلى جـيـبٍ يسابـق ظـلالـه

يـبـي ديارٍ أمس قـالـوا بهـا ســيــل
يـبـي نـفـودٍ حـاير الماء بـجــالــــه

يـبـي يـشم النار مع ريحـة الـهـيــل
يـبـي يـفـوح فـوق الارطـى دلالــــه

يـبـي يتعـلى عـله يشاهـد سـهــيــل
يـبـي يـنـادم كـل نـجــم بــدا لـــــــه

يـبـي يغـني باللــحـن والـمـواويـــل
يـبـي يـبـدد بالـصـحـاري هـبــالـــه

وإلى صفى راسه بدا بالـتـهـالــيـــل
وسبح بحمـد الله وخـلى الـجـهـالــه

ولاحـدٍ معه يـفـك الاطـناب ويـشـيـل
ولاحـدٍ يـزود بالـرحــيـل انـفـعــالــه

لطـاب شفـه من هـوى البر بالحـيـل
يرحـل عـلى كـيـفـه مـتى ماطـرالــه

هــذي أمـانـي والامـانـي تـعــالــيــل
تـسـلـى بها نـفـسٍ تـعـثر مـنــالــــه

صدقتي وصح السانك قصيدة في منتهي الجمال والروعه
لاعدمنا هذ الابداع المميز
كوني بخير