أكاديمـيـة العرضـة الجنوبيــة - ربـاع

اقدم هذه القصيده المتواضعه اهداء
من قلمي الى جميع القبائل سائلاً العلي القدير
ان اكون قد وفقت في كل حرف تم نضمه ..
يالله طلبتك ياعليمن بخلقه
يامزجين غيمه بها سال ودقه
جمل قصيدن ناوي اليوم طرقه
مدح الرجال اللي رقت كل هامه
ابدا بربعي دوس ياخير ديره
ياموطن اهل الازد وآبو هريره
يامن تتوق لفعلهم كل سيره
اهل الكرم والجود واهل الشهامه
سلام يازهران ياكفو لابه
يحفاد قومن من ملوك وصحابه
ياعزوتي وقت الرخا والنشابه
يفخر بكم حتى شدا في تهامه
وقريش نسل اللي تصون الحنيفه
قومن عظيمه من سلاله شريفه
ال النبوه والرسل والخليفه
ناسن تخاف الله وفيها اعتصامه
وغامد بني عمي هل الزهد والطيب
اهل الحمايل دون شكن ولاريب
عاداتهم دايم لكسب المواجيب
فخر الجنوب ووارثين الكرامه
وبني شهر دار الاخوه والاجواد
ياحيهم من قوم هم قوم الامجاد
ماينتقدهم غير حاقد ونقاد
والله يرفع ذكرهم عن مقامه
ومالك قبيله مامثلهم سويه
اهل العلوم الوافيه والحميه
مافيهم الداني ولومك عليه
من ينتصيهم مايشوف الندآمه
وعسير والمع والعريضه وقحطان
ويام وبني عمرو ورجال شمران
واذكر بنو القرني وبيشه وجازان
ربعن تنومس ماتعرف الرخامه
وعتيبه الهيلا ونعم القبيله
وطبعهم ماظن تلقى مثيله
هم فزعة الناصين واهل الطويله
وللعشم والطيب روس الزعامه
وحرب قومن فعلهم فعل نوماس
مافيهم المايل ولافيهم ادناس
الا رجالن ذكرهم يرفع الراس
ماصح قول ان قيل فيهم ملامه
وان جيت للي مايوافيهم القول
بلحارث اللي ذكرهم يردع الهول
ياحي فزعتهم هل الجاه للعول
هم راية النوماس واغلى وسامه
ولاني بناسي طيبين النوايا
بقوم مابه مثل فعلك سوايا
وقت الملاقا مثل سيل الشغايا
ليل العدو من فعلهم ماينامه
وثقيف ربعن مخلفين الهقاوي
اهل المكارم والنقا والنخاوي
مافيهم اللي هو ردين وضاوي
احتلوا النوماس شرقه وشامه
واذكر بني وايل وهم سادة القوم
وقت اللقا غمد حسامك ومخدوم
يشهد لهم بالفعل ماضي وذاليوم
ويرقى فعلهم لين يوم القيامه
وشمر طنايا القوم نعم المطاليق
تشهد لهم بالطيب كل المخاليق
اهل الجمايل حافظين المواثيق
لابه تصون الحلف عهد وذمامه
واذكر ثلاثن من خيار القبايل
سليم وجهينه بطيب الفعايل
وهذيل في حزت لقيت الهوايل
ومن عابهم احذر تطاوع كلامه
ومطير مافيهم مذله وتقصير
ونعم رجالن من رجالن مناعير
قومن لهم بالعز شيمه وتقدير
والجود ياخذ من نسلهم علامه
ثم اذكر السبعان واهل الدواسر
اهل الشجاعه مورثين الجواسر
نعمين بالغلبا وبهل الكواسر
ينوخ قبل الخصم منهم سهامه
وبني تميم اهل الكرم والاخوه
واهل السلوم الوافيه والمروه
خسران من كان التميمي عدوه
رجالن اقسى من جبال المنامه
واذكر رجالن ماتعرف المذمه
خوالد اللي واصله كل قمه
من يعتزي فيهم نسى كل همه
ونعم بهم بعداد سيل الغمامه
واذكر سناد القوم ربع الهواجر
اللي فعايلهم تسر المحاجر
عن وصفهم تعجز جميع الحناجر
وذكرهم يفرض عليك احترامه
وبذكر العجمان هم ثرثت الزهد
رجال ماتعرف مواطيهم الوهد
ومناهدتهم للعدو خيرة النهد
يهابهم بالحرب حتى قتامه
وان قلت بنشد عن عريبين الانساب
سهول ونعم ياشرف كل محراب
من ينتخيهم لابيندم ولاخاب
عون الدخيل وعزوته هم حزامه
ثم اذكر اللي مدحهم دايماً فوق
رشايده يشهد لهم كل مخلوق
في فعلهم يفخر بهم كل منطوق
هم هيبة الناصي ودرع وحسامه
ثم اذكر اهل العز والمدح والجود
فضول لابه ماعليهم ولازود
يرتاعهم من عزمهم كل منقود
ماعاش نقاد الفضولي ولامه
واغلى تحيه عقب نظم القوافي
من شاعراً جزلاً ورجال وافي
لـ بوك يافيصل كريماً سنافي
هو للعطا رايه وللجود شامه
والمعذره يالربع قبل الختامي
في حقكم مهما يطول كلامي
ماظن بوفيكم وهذا سلامي
قبل القصيد وقبل لـنهي ختامه
والخاتمه صلوا عدد ماقرع طبل
وعداد ماهلت من المزجيه وبل
على محمد خير من حاضر وقبل
عليه صلاة الله وازكى سلامه

صلى الله عليه وسلم
وسلامتكم